कोल्हापूर दि 15 आज कोल्हापूर येथील शिवाजी उद्यमनगर येथील सामानी स्मृती हॉल मध्ये महाराष्ट्र राज्य मराठी पत्रकार संघाच्या वतीने कोल्हापूरमध्ये पहिल्यांदाच आयोजित करण्यात आलेला पत्रकार स्नेहमेळावा उत्साहात संपन्न झाला .
संपूर्ण महाराष्ट्रात कार्यरत असणाऱ्या महाराष्ट्र राज्य मराठी पत्रकार संघाच्या वतीने या स्नेहमेळाव्याचे आयोजन करण्यात आले होते.यावेळी शिवाजी विद्यापीठाचे एम ए मास कम्युनिकेशन विभागाचे सहायक प्राध्यापक ड़ॉ शिवाजी जाधव,ज्येष्ठ पत्रकार नंदकुमार ओतारी हे प्रमुख वक्ते उपस्थित होते. डॉ शिवाजी जाधव यांनी पत्रकारितेचे बदलते स्वरूप आणि पत्रकारांनी काळानुसार कसे बदलले पाहिजे याबद्दल मार्गदर्शन केले.नंदकुमार ओतारी यांनी आजची व्यवस्था आणि पत्रकारांची अवस्था यावर आपले मनोगत व्यक्त करून उपस्थितांची मने जिंकली.पत्रकार संघाचे जिल्हाध्यक्ष धीरज रुकडे यांनी संघाचे प्रदेशाध्यक्ष किरण जोशी यांच्या मार्गदर्शनानुसार संघाच्या आगामी काळातील वाटचालीबाबत माहिती दिली पत्रकार बांधवां साठी ना नफा ना तोटा तत्वावर पुणे येथे सुरू झालेल्या सदनिका प्रकल्पाबाबत माहिती देऊन कोल्हापुरात असा प्रकल्प राबविणार असल्याचे त्यानी सांगितले .तसेच पत्रकारांनी आपल्या भविष्याबाबत डोळसपणे काम करत आपल्यासाठी कुटुंबकल्याण कारी संस्था उभा करण्याची गरज असल्याचे मत त्यांनी व्यक्त केले . करून लवकरच अशी संस्था उभी करून पत्रकार आणि त्यांच्ये कुटुंबियांना आधार देणारी संस्था उदयास आणणार असल्याची घोषणा रुकडे यानी केली .या स्नेहमेळाव्याला जिल्ह्यातून सर्व क्षेत्रातील पत्रकार बांधव उपस्थित होते.सर्वांचा नोंदणीसाठी उत्स्फूर्त प्रतिसाद पाहुन लवकरच जिल्हा अधिवेशनाच्या आयोजनाची घोषणा त्यानी केली . यावेळी पत्रकार संघाच्या नवनिर्वाचित पदाधिकाऱ्यांचा नियुक्ती पत्रे देऊन सत्कार करण्यात आला.यामध्ये नवाब शेख यांची जिल्हा सचिव,जिल्हा उपाध्यक्ष अनिल पाटील,विनोद नाझरे जिल्हा संघटक,नंदकुमार तेली शहर अध्यक्ष यांची नियुक्ती करण्यात आली.या मेळाव्याला महिलांचा प्रतिसाद लक्षणीय होता.त्यामुळे कोल्हापूर जिल्ह्यात येणाऱ्या काळात ही संघटना भरीव काम करणार असल्याचे दिसून येते.सदर कार्यक्रमाला युवा पत्रकार संघाचे शिवाजी शिंगे,अनिल म्हमाने,तसेच जिल्ह्यातील सर्व पत्रकार बांधव उपस्थित होते.कार्यक्रमाचे सूत्रसंचालन अनुराधा कदम यांनी केले. तर जिल्हा सचिव नवाब शेख यानी आभार मानले .न्यूजशाही कोल्हापूर साठी जावेद मुजावर यांच्यासह शहर प्रतिनिधी फरीद शेख ,कोल्हापू
