कोल्हापूर दि 2 : प्रादेशिक परिवहन विभागाच्या नवीन नियमांच्या विरोधात, विशेषत: फिटनेस प्रमाणपत्राचे नूतनीकरण करण्यासाठी प्रतिदिन 50 रुपये उशिरा दंडाच्या विरोधात कोल्हापूर जिल्हा कार डीलर्स वेल्फेअर असोसिएशनच्या वतीने सोमवारी जिल्हाधिकारी कार्यालयावर धडक मोर्चा काढण्यात आला.
येत्या आठ दिवसांत नियम मागे न घेतल्यास लवकरच जिल्हाभर ‘चक्काजाम’ आंदोलन करू, असा इशारा आंदोलकांनी दिला.
कार डीलर्स असोसिएशनचे अध्यक्ष जमीर सय्यद म्हणाले, “आम्ही सोमवारी दसरा चौक ते जिल्हाधिकारी कार्यालयापर्यंत आंदोलन केले आणि जिल्हाधिकारी अमोल येडगे यांना मागण्यांचे लेखी निवेदन दिले. या भावना वरिष्ठ अधिकाऱ्यांना कळवण्यात येतील, असे आश्वासन त्यांनी दिले आहे. आज सुमारे दोन हजार सभासद आंदोलनात सहभागी झाले होते मात्र लवकरच निर्णय न झाल्यास लवकरच जिल्हाभर ‘चक्काजाम’ आंदोलन करण्यात येणार असून पुढील परिणामांना प्रशासन जबाबदार असेल.
