भन्नाट न्युज नेटवर्क
कोल्हापूर, दि. 21 (जिमाका): जिल्हा कौशल्य विकास, रोजगार व उद्योजकता मार्गदर्शन केंद्र कोल्हापूर
कार्यालयामार्फत दिनांक 23 व 24 मार्च 2023 रोजी ऑनलाईन पंडीत दीनदयाल उपाध्याय रोजगार मेळाव्याचे
आयोजन करण्यात आले असून जास्तीत-जास्त उमेदवारांनी याचा लाभ घ्यावा, असे आवाहन जिल्हा कौशल्य विकास,
रोजगार व उद्योजकता मार्गदर्शन केंद्राचे सहायक आयुक्त सं.कृ.माळी यांनी केले आहे.
रोजगार मेळाव्यामध्ये औद्योगिक तसेच इतर सेवा क्षेत्रातील सुमारे 4 पेक्षा जास्त खासगी उद्योजकांनी
सहभाग दर्शविला असून, त्यांच्याकडून विविध प्रकारची सुमारे 400 पेक्षा जास्त रिक्तपदे या मेळाव्याकरिता
कळविण्यात आली आहेत. या पदांकरीता किमान 8 वी, 9 वी उत्तीर्णांसह, 10 वी, 12 वी, कोणत्याही शाखेतील
पदवीधर अथवा पदवीकाधारक, पदव्युत्तर पदवी, आयटीआय, अभियांत्रिकी पदवी इत्यादी पात्रता असणारे स्त्री-
पुरुष उमेदवार पात्र असणार आहेत. इच्छुक उमेदवारांनी www.rojgar.mahaswayam.gov.in या
संकेतस्थळास भेट देऊन आपले पंसंतीक्रम ऑनलाईन नोंदविणे आवश्यक असल्याचेही श्री. माळी यांनी कळविले
आहे.
